Тэадат Невядомскі
Тэадат Невядомскі | |
---|---|
польск.: Teodat Niewiadomski | |
Дата нараджэння | 22 снежня 1692 |
Месца нараджэння | |
Дата смерці | 10 лістапада 1761 (68 гадоў) |
Месца смерці | |
Род дзейнасці | святар |
Тэадат Невядомскі (польск.: Teodat Niewiadomski; 22 снежня 1692, Літва — 10 лістапада 1761, Вільня[1]) — дзеяч каталіцкага касцёлу і Ордэна езуітаў, педагог.
Пасля заканчэння курса рыторыкі ў езуіцкіх школах 18 ліпеня 1714 г. уступіў у Вільні ў Таварыства Ісуса. Прайшоўшы выпрабаванні ў навіцыяце, два гады займаўся выкладаннем, у там ліку як настаўнік інфімы ў Полацкім езуіцкім калегіуме (1716—1717). Вывучаў філасофію ў Полацку (1718—1721) і тэалогію ў Вільні (1723—1727). Таксама ў сталіцы ВКЛ быў высвечаны на ксяндза (1726). У наступныя гады — прафесар рыторыкі для экстэрнаў у Нясвіжы (1727—1728), прэфект школ і прафесар рыторыкі для семінарыстаў-езуітаў у настаўніцкай семінарыі ў Слуцку (1728—1730), прафесар філасофіі ў Варшаве (1731—1733)[2].
У 1733 г. быў накіраваны ў Рым, дзе займаў пасаду пенітэнцыярыя для палякаў у базіліцы Св. Пятра (1733—1746), а потым пракуратара па справах беатыфікацыі Андрэя Баболі (1747—1755). Атрымаў ад папы Бенедыкта XIV згоду на правядзенне часткі беатыфікацыйнага працэсу А. Баболі ў Пінску. Пасля вяртання на Радзіму займаў пасаду прэпозіта Дому прафесаў у Вільні (1758—1761)[2].
Ад імя езуітаў, якія працавалі ў Інфлянтах, выдаў панегірык у гонар інфлянцкага біскупа Аўгусціна Адама Весэля Corona Anni Sancti proavita gratiarum cornua Illmi… Augustini Adami Wessel (Вільня, 1725)[2].
Зноскі
- ↑ Grzebień, L. (Ed.), Encyklopedia Wiedzy o jezuitach na ziemiach Polski i Litwy, 1996.
- ↑ а б в Królikowska, A. Profesorowie jezuickich seminariów nauczycielskich od XVI do XVIII wieku. Słownik biograficzny. / A.Królikowska. — Kraków: Wydawnictwo Naukowe Akademii Ignatianum w Krakowie -Wydawnictwo WAM, 2017. — s. 113—114.
Літаратура[правіць | правіць зыходнік]
- Encyklopedia wiedzy o jezuitach na ziemiach Polski i Litwy 1564—1995 / oprac. L. Grzebień. — Kraków: Wyd-wo WAM, 1996. — 882 s.
- Królikowska, A. Profesorowie jezuickich seminariów nauczycielskich od XVI do XVIII wieku. Słownik biograficzny. / A.Królikowska. — Kraków: Wydawnictwo Naukowe Akademii Ignatianum w Krakowie -Wydawnictwo WAM, 2017. — 188 s.
- Нарадзіліся 22 снежня
- Нарадзіліся ў 1692 годзе
- Памерлі 10 лістапада
- Памерлі ў 1761 годзе
- Памерлі ў Вільнюсе
- Асобы
- Вучоныя паводле алфавіта
- Езуіты Беларусі
- Выпускнікі Полацкага езуіцкага калегіума
- Выпускнікі Віленскага ўніверсітэта
- Выкладчыкі Полацкага езуіцкага калегіума
- Выкладчыкі Нясвіжскага езуіцкага калегіума