Тры капліцы на старых могілках
![](http://chped.net/https/upload.wikimedia.org/wikipedia/commons/thumb/3/31/%D0%A2%D1%80%D1%8B_%D0%BA%D0%B0%D0%BF%D0%BB%D1%96%D1%86%D1%8B_%D0%BD%D0%B0_%D1%85%D1%80%D1%8B%D1%81%D1%86%D1%96%D1%8F%D0%BD%D1%81%D0%BA%D1%96%D1%85_%D0%BC%D0%BE%D0%B3%D1%96%D0%BB%D0%BA%D0%B0%D1%85_%D0%A0%D0%B0%D0%B3%D0%B0%D1%87%D0%BE%D0%B2%D0%B0.jpg/220px-%D0%A2%D1%80%D1%8B_%D0%BA%D0%B0%D0%BF%D0%BB%D1%96%D1%86%D1%8B_%D0%BD%D0%B0_%D1%85%D1%80%D1%8B%D1%81%D1%86%D1%96%D1%8F%D0%BD%D1%81%D0%BA%D1%96%D1%85_%D0%BC%D0%BE%D0%B3%D1%96%D0%BB%D0%BA%D0%B0%D1%85_%D0%A0%D0%B0%D0%B3%D0%B0%D1%87%D0%BE%D0%B2%D0%B0.jpg)
![](http://chped.net/https/upload.wikimedia.org/wikipedia/commons/thumb/f/f3/%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96%D1%8F_%D0%BA%D1%80%D0%B0%D1%8F%D0%B2%D1%96%D0%B4%D1%8B_03.jpg/220px-%D0%A0%D0%B0%D0%B3%D0%B0%D1%87%D0%BE%D1%9E%D1%81%D0%BA%D1%96%D1%8F_%D0%BA%D1%80%D0%B0%D1%8F%D0%B2%D1%96%D0%B4%D1%8B_03.jpg)
Тры капліцы на старых могілках — капліцы на могілках у горадзе Рагачове Гомельскай вобласці, пабудаваныя ў канцы 19 — пачатку 20 стагоддзяў.
Капліца ў неарускім стылі пабудавана на мяжы 19 — 20 ст. Помнік архітэктуры неарускага стылю. Вырашана цэнтрычным чатырохгранным вежападобным збудаваннем, завершаным шатром з цыбулепадобнай галоўкай. Архітэктурны дэкор (прафіляваныя цягі, нішы, сухарыкі, гіркі) выкладзены лакальнай цэглай. Арачныя нішы, праёмы ўваходу і акон аздоблены какошнікамі. Унутры памяшканне перакрыта самкнутым скляпеннем.
Капліца ў неакласічным стылі пабудавана ў канцы 19 ст. з цэглы. Помнік архітэктуры неакласіцызму. Вырашана кубападобным аб’ёмам са зрэзанымі гранямі, накрытым шатровым дахам з макаўкай. Грані прарэзаны арачнымі ўваходнымі і бакавымі аконнымі праёмамі.
Паўразбураная капліца ў неарускім стылі пабудавана ў канцы 19 ст. з цэглы. Знаходзіцца ў паўзруйнаваным стане. Помнік архітэктуры неарускага стылю. Вырашана чатырохграннай вежападобнай пабудовай са зрэзанымі вугламі пад шатровым дахам (не захавалася). Да яго з усходняга боку далучана паўкруглая апсіда. Грані прарэзаны арачнымі ўваходным і 2 аконнымі праёмамі. Архітэктурны дэкор выкананы сродкамі мастацкай цаглянай муроўкі: прамавугольныя нішы, рэльефныя крыжы, зубчастыя фрызы.
-
Паўразбураная капліца ў неарускім стылі
-
Капліца ў неарускім стылі
-
Капліца ў неакласічным стылі
Літаратура[правіць | правіць зыходнік]
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
- Тры капліцы на старых могілках на сайце Глобус Беларусі (руск.)
- Тры капліцы на старых могілках на сайце Radzima.org