Сільвін
Appearance
Сільвін | |
---|---|
![]() | |
Формула | КCl |
Цвёрдасць | 2 |
Шчыльнасць | 2 г/см³ |
![](http://chped.net/https/upload.wikimedia.org/wikipedia/commons/thumb/4/4b/2000._Stamp_of_Belarus_0397.jpg/220px-2000._Stamp_of_Belarus_0397.jpg)
Сільві́н[1] — мінерал, хларыд калію, КCl.
Складаецца з кубічных крышталёў. Бясколерны або малочна-белы, з прымесямі гематыту — жоўта-чырвона-ружаватых адценняў. Цвёрдасць 2, шчыльнасць 2 г/см³. Крохкі, лёгка раствараецца ў вадзе, мае горка-салёны смак.
Утвараецца пераважна асадкавым шляхам: крышталізуецца з марской вады ў лагунах і рэліктавых азёрах, якія перасыхаюць. Разам з галітам, карналітам і іншымі ўтварае сільвініт — асноўную сыравіну, з якой атрымліваюць калійныя ўгнаенні. Радовішчы ў асадкавых горных пародах. Вялікія радовішчы маюць Беларусь, Канада, Германія, Расія, ЗША.
На тэрыторыі Беларусі паклады сільвініту вядомы на Прыпяцкім прагіне. Распрацоўваецца Старобінскае радовішча ў Салігорскім раёне.
Зноскі
Літаратура[правіць | правіць зыходнік]
- Высоцкі Э. А. Сільвін // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 381. — 10 000 экз. — ISBN 985-11-0035-8. — ISBN 985-11-0238-5 (т. 14).