Свята-Мікалаеўская царква (Засімавічы)
Праваслаўная царква | |
Царква Святога Мікалая | |
---|---|
![]() | |
52°33′37,60″ пн. ш. 24°21′50,20″ у. д.HGЯO | |
Краіна |
![]() |
Вёска | Засімавічы |
Канфесія | праваслаўе |
Епархія | Брэсцкая і Кобрынская |
Архітэктурны стыль | класіцызм |
Дата заснавання | 1811 |
Статус | ахоўваецца дзяржавай |
Матэрыял | камень[d] |
Стан | дзейнічае |
![]() |
Царква́ Свято́га Мікала́я — праваслаўны храм у Засімавічах Пружанскага раёна, збудаваны ў 1811 годзе. Помнік архітэктуры класіцызму.
Гісторыя[правіць | правіць зыходнік]
![](http://chped.net/https/upload.wikimedia.org/wikipedia/commons/thumb/9/91/%D0%9C%D1%96%D0%BA%D0%B0%D0%BB%D0%B0%D0%B5%D1%9E%D1%81%D0%BA%D0%B0%D1%8F_%D1%86%D0%B0%D1%80%D0%BA%D0%B2%D0%B0%28%D0%97%D0%B0%D1%81%D1%96%D0%BC%D0%B0%D0%B2%D1%96%D1%87%D1%8B%29_5.jpg/250px-%D0%9C%D1%96%D0%BA%D0%B0%D0%BB%D0%B0%D0%B5%D1%9E%D1%81%D0%BA%D0%B0%D1%8F_%D1%86%D0%B0%D1%80%D0%BA%D0%B2%D0%B0%28%D0%97%D0%B0%D1%81%D1%96%D0%BC%D0%B0%D0%B2%D1%96%D1%87%D1%8B%29_5.jpg)
Пабудаваная ў 1811 годзе на сродкі мясцовага памешчыка Ельца з цэглы і бутавага каменя. Ля царквы знаходзілася драўляная званіца.
У Першую сусветную вайну пашкоджаная пажарам, у 1916 адноўлена.
У 1924 годзе царква стала прыпісным прыходам пружанскага Свята-Аляксандра-Неўскага сабора. У 1925 праведзены капітальны рамонт царквы і званіцы, пастаўленая агароджа.
Пасля прыходу савецкай улады ў маі 1940 года разрабавана, у маі 1962 зачынена і прыстасавана пад склад хімічных угнаенняў.
Пасля развалу СССР дырэктар раённага Дома культуры Васіль Курачынскі, ураджэнец Засімавіцкага прыхода, выступіў з ініцыятывай аднаўлення царквы. Матэрыялы для перабудовы царквы былі набыты старавольскім і шанёўскім калгасамі, крыжы для купалоў вырабілі на Пружанскім масласырзаводзе. На ахвяраванні вернікаў было набыты ўнутранае начынне, частка яго была перададзена з пружанскага сабора. 24 лістапада 1994 храм быў асвечаны, праведзеная першая літургія.
Да цяперашняга часу сцены пад уздзеяннем аміячнай салетры выдзяляюць сырасць і цвіль.
Архітэктура[правіць | правіць зыходнік]
![](http://chped.net/https/upload.wikimedia.org/wikipedia/commons/thumb/f/f2/%D0%9C%D1%96%D0%BA%D0%B0%D0%BB%D0%B0%D0%B5%D1%9E%D1%81%D0%BA%D0%B0%D1%8F_%D1%86%D0%B0%D1%80%D0%BA%D0%B2%D0%B0_%D0%97%D0%B0%D1%81%D1%96%D0%BC%D0%B0%D0%B2%D1%96%D1%87%D1%8B_113%D0%93000608_2.jpg/220px-%D0%9C%D1%96%D0%BA%D0%B0%D0%BB%D0%B0%D0%B5%D1%9E%D1%81%D0%BA%D0%B0%D1%8F_%D1%86%D0%B0%D1%80%D0%BA%D0%B2%D0%B0_%D0%97%D0%B0%D1%81%D1%96%D0%BC%D0%B0%D0%B2%D1%96%D1%87%D1%8B_113%D0%93000608_2.jpg)
Царква — помнік архітэктуры класіцызму.
Памеры царквы 17 х 8,4 м. Асноўны аб'ём прамавугольны ў плане, невялікім уступам пераходзіць у трохгранную апсіду. Дах двухскатны гонтавы з вальмамі над апсідай. Галоўны фасад завершаны трохвугольным франтонам з вертыкальнай шалёўкай.
Сцены па версе аперазаны прафіляваным карнізам. Да апсіды з паўднёвага боку прымыкае ромбападобная рызніца.
У зальнай частцы царквы прамавугольныя ваконныя праёмы, у апсідзе — аркавыя.
Літаратура[правіць | правіць зыходнік]
- А.Н. Кулагин. 1567. Николаевская церковь // Свод памятников истории и культуры Белоруссии. Брестская область / Редкол.: С. В. Марцелев (гл. ред.) и др. — Мн.: БелСЭ, 1990. — 424 с. — 25 000 экз. — ISBN 5-85700-017-3.
- Ганна Хадаровіч. Пад аховай нябёсаў // Раённыя будні. — 4 студзеня 2012. — № 1 (9447).
Спасылкі[правіць | правіць зыходнік]
На Вікісховішчы ёсць медыяфайлы па тэме Свята-Мікалаеўская царква (Засімавічы)
- Царква Святога Мікалая на сайце Radzima.org
- Царква Святога Мікалая (руск.) на «Глобусе Беларусі»
- Праваслаўе.by Архівавана 21 студзеня 2013. (руск.)
- Свята-Мікалаеўская царква (Засімавічы) на сайце «Архіварта»
- ↑ Пружанское благочиние (руск.). Официальный сайт Брестской епархии. (27 ліпеня 2012).(недаступная спасылка)