Пірава перамога
Appearance
![](http://chped.net/https/upload.wikimedia.org/wikipedia/commons/thumb/3/3d/Pyrrhic_War_Italy_sr.svg/220px-Pyrrhic_War_Italy_sr.svg.png)
Пірава перамога — перамога, якая дасталася занадта дарагім коштам; перамога, раўнасільная паражэнню.
Паходжаннем гэты выраз абавязаны бітве пры Аўскуле ў 279 годзе да н.э. Тады эпірская армія цара Піра на працягу двух дзён вяла наступ на войскі рымлян і зламала іх супраціўленне, але страты былі такімі вялікімі, што Пір заўважыў: «Яшчэ адна такая перамога, і я застануся без войска»[1].
Да Піра ва ўжытку быў выраз «Кадмейская перамога», заснаваны на старажытнагрэчаскім эпасе «Сямёра супраць Фіваў» і сустракаемы ў Платона ў яго «Законах».