Леанід Сазанаў

Леанід Сазанаў
Род дзейнасці	даследчык
Навуковая сфера	структурная біялогія[d]
Месца працы	ISTA[d] MRC Mitochondrial Biology Unit[d]
Альма-матар	МДУ (30 студзеня 1990)
Член у	Лонданскае каралеўскае таварыства
Узнагароды	член Лонданскага каралеўскага таварыства (2019)

Леанід Сазанаў (нар. 1960, Брэст) — структурны біёлаг, біяхімік, прафесар Інстытута навукі і тэхналогій Аўстрыі.

Біяграфія

Нарадзіўся ў 1960 годзе ў Брэсце. Вучыўся на кафедры біяфізікі фізічнага факультэта БДУ ў Мінску, потым атрымаў доктарскую ступень па біяфізіцы ў МДУ ў Маскве.

Доўгі час працаваў у Вялікабрытаніі — у Бірмінгеме, Лондане, затым 18 гадоў у Кембрыджы. З 2015 года — прафесар Інстытута навукі і тэхналогій Аўстрыі.

Апублікаваў каля 70 навуковых прац. З’яўляецца членам Лонданскага каралеўскага таварыства. Вядомы адкрыццём першай атамнай структуры комплексу I дыхальнага ланцуга.

Атрымаў у 2024 годзе прэмію Эрвіна Шродзінгера, якая ўручаецца Аўстрыйскай акадэміяй навук, з фармулёўкай «за выдатныя дасягненні ў галіне структурнай біялогіі мембранных бялковых комплексаў».