Клецкае гарадзішча
Славутасць | |
Гарадзішча | |
---|---|
![]() Дзядзінец | |
53°04′10,25″ пн. ш. 26°37′38,54″ у. д.HGЯO | |
Краіна |
![]() |
Горад | Клецк |
Гарадзішча — гарадзішча ў Клецку, размешчанае на паўночна-заходняй ускраіне горада, на левым карэнным беразе р. Лань. Адносіцца да эпохі Кіеўскай Русі, датуецца XI—XIII стагоддзямі.
Апісанне[правіць | правіць зыходнік]
Складаецца з дзядзінца і вакольнага горада, раздзеленых ровам шырынёй 30 м, глыбінёй 6—7,5 м.
Дзядзінец займае прыроднае ўзвышша, якое аддзелена ад берага шырокім і глыбокім ярам, мае форму круга дыяметрам 80 м, узвышаецца над поймай ракі на 9—10 м. На краях пляцоўкі, з боку поля выяўлены рэшткі вала вышынёй 0,6—1,2 м. Пляцоўка і яе схілы здзірванелыя.
![](http://chped.net/https/upload.wikimedia.org/wikipedia/commons/thumb/7/77/%D0%9A%D0%BB%D0%B5%D1%86%D0%BA%D1%96%D1%8F_%D0%B7%D0%B0%D0%BC%D0%B0%D0%BB%D1%91%D1%9E%D0%BA%D1%96_%2811%29.jpg/220px-%D0%9A%D0%BB%D0%B5%D1%86%D0%BA%D1%96%D1%8F_%D0%B7%D0%B0%D0%BC%D0%B0%D0%BB%D1%91%D1%9E%D0%BA%D1%96_%2811%29.jpg)
Вакольны горад эліпсоіднай формы, памерам 400x100 м, прымыкае да дзядзінца з усходняга боку. 3 паўночна-ўсходняга боку захаваліся рэшткі абарончага вала вышынёй каля 1 м і рова глыбінёй 1,2—1,4 м шырынёй 10 м (у паўднёва-ўсходняй частцы вакольнага горада вал і роў разараны).
Даследаванне[правіць | правіць зыходнік]
Даследаваў у 1964, 1965, 1967 гг. П. Ф. Лысенка на плошчы 116 м². Культурны пласт дзядзінца каля 1 м. Знойдзены фрагменты шкляных бранзалетаў, шыферныя прасліцы, прадметы ўзбраення, прылады працы і быту, збожжа, косці свойскіх і дзікіх жывёл.
У культурным пласце (0,7—1,2 м) вакольнага горада выяўлены рэчы, адначасовыя знаходкам ніжняга гарызонта дзядзінца.
Матэрыялы раскопак захоўваюцца ў Інстытуце гісторыі НАНБ.
Літаратура[правіць | правіць зыходнік]
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
- Клецкае гарадзішча на сайце Глобус Беларусі (руск.)
- Клецкае гарадзішча на сайце Radzima.org