Карагод
![](http://chped.net/https/upload.wikimedia.org/wikipedia/commons/thumb/5/54/%D0%92%D1%82%D1%91%D1%80%D1%81%D1%8F-%D0%BF%D0%B0%D1%80%D0%B5%D0%BD%D1%8C-%D0%B2-%D1%85%D0%BE%D1%80%D0%BE%D0%B2%D0%BE%D0%B4.jpg/250px-%D0%92%D1%82%D1%91%D1%80%D1%81%D1%8F-%D0%BF%D0%B0%D1%80%D0%B5%D0%BD%D1%8C-%D0%B2-%D1%85%D0%BE%D1%80%D0%BE%D0%B2%D0%BE%D0%B4.jpg)
![](http://chped.net/https/upload.wikimedia.org/wikipedia/commons/thumb/e/e7/1921-1922._%D0%9A%D0%B0%D1%80%D0%B0%D0%B3%D0%BE%D0%B4_%28%D0%9B%D1%8F%D0%BB%D1%8C%D0%BD%D1%96%D0%BA%29.jpg/250px-1921-1922._%D0%9A%D0%B0%D1%80%D0%B0%D0%B3%D0%BE%D0%B4_%28%D0%9B%D1%8F%D0%BB%D1%8C%D0%BD%D1%96%D0%BA%29.jpg)
Карагод (каравод) — від народнага мастацтва, у якім харэаграфічныя рухі арганічна спалучаюцца з харавым спяваннем і драматызацыяй паэтычнага зместу (часам з інструментальным суправаджэннем).
Традыцыі[правіць | правіць зыходнік]
Пашыраны са старажытных часоў у народаў з каляндарна-земляробчай абраднасцю, асабліва ў славян і прыбалтаў. Звычайна прымеркаваны да пэўнага часу земляробчага календара.
Карагоды бываюць адкрытыя і закрытыя, падвойныя і адзінарныя, павольныя і хуткія з прытанцоўваннем; іх удзельнікі трымаюцца за рукі, часам за рагі хустак. Вясенне-летнія карагоды «вадзілі» на вуліцы і палянах павольна, плаўна, залучаючы ўсё новых удзельнікаў. Паводле харэаграфічнага малюнка іх падзяляюць на 4 групы: круг («кола»), калі ўдзельнікі рухаюцца ў ім справа налева «па сонцу» ці папераменна то ў адзін бок, то ў другі; процілеглыя рады, якія папераменна то сыходзяцца «сцяной на сцяну», то разыходзяцца; «пляценне»; шэсце, дзе ўдзельнікі рытмізаваным крокам рухаюцца ўздоўж вуліцы шарэнгай, звілістымі радамі ці больш адвольным гуртам. Зімовыя карагоды «гуляюць» пераважна ў хаце жвава, з прытанцоўваннем, ім уласцівы розныя выяўленчыя элементы, перайманне рухаў жывёл. Тыповыя сюжзты карагодаў: выхад на вуліцу, велічанне дзяўчат і кпіны з хлопцаў, выбар маладога і маладой, праводзіны ў войска, падзеі сямейнага жыцця, вырошчванне лёну, канапель, маку і інш.
Мелодыі карагодаў інтанацыйна блізкія тыповым напевам веснавых, купальскіх і калядных песень, але маюць і жанрава спецыфічныя рысы дзякуючы пэўнай структуры і рытму, абумоўленым рухам (з устойлівымі рытмаформуламі).
Гл. таксама[правіць | правіць зыходнік]
![]() |
Карагод на Вікісховішчы |
---|
Літаратура[правіць | правіць зыходнік]
- Владыкина-Бачинская Н. Русские хороводы и хороводные песни. — М.; Л., 1951;
- Мажэйка З. Карагод // Беларуская энцыклапедыя ў 18 т. — Т. 8. — Мн., 1999.