Дунайская нізіна
![](http://chped.net/https/upload.wikimedia.org/wikipedia/commons/thumb/6/6c/Podunajska_nizina.png/220px-Podunajska_nizina.png)
![](http://chped.net/https/upload.wikimedia.org/wikipedia/commons/thumb/5/55/Little_Carpathians_1.jpg/220px-Little_Carpathians_1.jpg)
Дунайская нізіна (славацк.: Podunajská nížina) — частка Кішальфёльда паміж Дунаем, Малымі Карпатамі і іншымі часткамі Заходніх Карпат. Гэта адпавядае той частцы Кішальфёльда, якая размешчана на тэрыторыі Славакіі.
У геамарфалагічным дачыненні Дунайская нізіна ўтварае разам з Нойзідльскім басейнам у Аўстрыі і Дзьёрскім басейнам у Венгрыі адзіную структуру, аднак усё ж, як правіла, разглядаецца асобна. Дунайская нізіна ўяўляе сабой шырокую тэктанічную ўпадзіну, напоўненую пластом асадкавых парод чацвярцічнага перыяду вышынёй 100—350 м. Нізіна складаецца з дзвюх частак:
- Пагорыстая мясцовасць на поўначы (Podunajská pahorkatina)
- Дунайская раўніна на поўдні (Podunajská rovina)
Рэгіён носіць сельскагаспадарчы характар. Да буйнейшых населеных пунктаў, размешчаных у Дунайскай нізіне, адносяцца Топальчаны, Нове-Замкі, Комарна, Левіцы, Дунайска Стрэда і Галанта. Гэтыя гарады з'яўляюцца эканамічнымі і гандлёвымі цэнтрамі рэгіёна. У Дунайскай нізіне знаходзяцца таксама шматлікія старажытныя вінаробныя камуны, сярод якіх Светы Юр, Пезінак, Модра, а таксама курорты П’ешцяны і Дудзінцы.
На поўдні нізіны, перш за ўсё на Жытным востраве, пражывае буйная венгерская меншасць.