Вікіпедыя:Правілы абароны старонак
Appearance
Запыт аховы[правіць зыходнік]
Пры запыце аховы варта пазначыць яе пажаданы тып і ўзровень.
Тыпы аховы[правіць зыходнік]
- Ахова ад рэдагавання абараняе старонку ад змяненняў зместу.
- Ахова ад пераносу абараняе старонку ад змянення назвы.
- Ахова ад стварэння забараняе ствараць старонку пад пэўнай назвай.
- Ахова ад загрузкі забараняе загружаць новыя версіі файла (але пры гэтым можна мяняць апісанне файла).
Узроўні аховы[правіць зыходнік]
- Стабілізацыя (даступна толькі для аховы ад рэдагавання) робіць недагледжаныя версіі старонкі нябачнымі незарэгістраваным карыстальнікам (ім будзе паказвацца апошняя дагледжаная версія).
- Частковая ахова забараняе выкананне дзеянняў незарэгістраваным і непацверджаным удзельнікам.
- Поўная ахова забараняе выкананне дзеянняў усім, акрамя адміністратараў.
Накладанне аховы[правіць зыходнік]
Пры накладанні аховы пададзеных у запыце тыпу і ўзроўню адміністратар вызначае мэтазгоднасць аховы, пры карэктнасці абірае адну з даступных прычын для апісання, а таксама вызначае працягласць.
Даступныя прычыны аховы старонак:
- Ахова ад вайны правак, якая вядзецца дакладна цяпер.
- Ахова ад вандалізму. Такая ахова можа быць толькі часовай, але працягласць можа павялічвацца пры паўторах.
- Ахова старонкі, якая ўключаецца ў Галоўную старонку. Ужываецца, пакуль старонка ўключана ў Галоўную старонку.
- Ахова шаблонаў і модуляў у частым ужыванні. Прымяняецца толькі перманентная ахова.
- Ахова ад пераносу. Прымяняецца толькі перманентная ахова (для часовай пазначаецца прычына «ад вайны правак»).