Вольга Трацяк
Вольга Трацяк | |
---|---|
Дата нараджэння | 22 лістапада 1979 (44 гады) |
Месца нараджэння | |
Род дзейнасці | мовазнаўца |
Месца працы | |
Навуковая ступень | кандыдат філалагічных навук |
Вольга Трацяк (нар. 22 лістапада 1979, Гродна) — беларуская мовазнаўца. Доктар[1], кандыдат філалагічных навук[2], выкладчыца кафедры беларусістыкі Варшаўскага ўніверсітэта[3], у 2018—2019 гадах выконвала абавязкі загадчыка кафедры.
Апроч выкладання беларускай мовы пры Варшаўскім універсітэце Вольга Трацяк з'яўляецца: сябрам Камісіі сертыфікацыі валодання беларускай мовай, сябрам Галоўнага камітэта Алімпіяды беларускай мовы ў Польшчы, каардынатарам прыёмнай кампаніі (старшыня прыёмнай камісіі факультэту прыкладной лінгвістыкі Варшаўскага ўніверсітэту), каардынатарам раскладу заняткаў Кафедры Беларусістыкі[4].
Аўтарка 13 навуковых прац з галіны мовазнаўства (сацыялінгвістыка, дыялекталогія, тапанімія і інш.). Займалася аналізам афіцыйных айконімаў беларуска-польскага памежжа ў святле моўнай палітыкі Польшчы і Беларусі.
У 2019 годзе прымала ўдзел у Восьмым Міжнародным Кангрэсе даследчыкаў Беларусі з дакладам «Мадэль Колба ў навучанні беларускай мове як замежнай»[5].
З 2019 года з'яўляецца ініцыятарам і арганізатарам правядзення міжнароднай акцыі «Беларуская дыктоўка» пры кафедры беларусістыкі Варшаўскага ўніверсітэта, прымеркаванай да Міжнароднага дня роднай мовы[6][3][2].
Зноскі
- ↑ Paweł Bobołowicz. 21 lutego 2023 roku odbędzie się białoruskie dyktando na Uniwersytecie Warszawskim . Радыё Унэт (15 лютага 2023). Праверана 15 лютага 2023.
- ↑ а б Паліна Часноўская. «Свой удзел ужо пацвердзілі дыяспары з Прагі і Лондана»: 21 лютага ў Варшаўскім універсітэце пройдзе «Беларуская дыктоўка» . Будзьма беларусамі! (9 лютага 2023). Праверана 3 лютага 2023.
- ↑ а б Віктар Корбут. Вольга Трацяк: У Польшчы мала спецыялістаў з веданнем беларускай мовы і Беларусі . Польскае Радыё (17 верасня 2020). Праверана 15 лютага 2023.
- ↑ К.ф.н. Вольга Трацяк . Katedra Białorutenistyki Uniwersytetu Warszawskiego. Праверана 3 лютага 2023.
- ↑ Вольга Трацяк. Секцыя 11. Літаратуразнаўства і лінгвістыка // Восьмы Міжнародны Кангрэс даследчыкаў Беларусі. — Вільня, Літва, 27—29 верасня 2019. — С. 145. — 200 с.(недаступная спасылка)
- ↑ Беларуская дыктоўка прайшла ў Варшаўскім унівэрсытэце . Польскае Радыё (22 лютага 2019). Праверана 3 лютага 2023.