Арканавальда Банакорсі

Арканавальда Банакорсі
Дата нараджэння	22 жніўня 1898(1898-08-22)
Месца нараджэння	Балоння, Італія
Дата смерці	2 ліпеня 1962(1962-07-02) (63 гады)
Месца смерці	Рым, правінцыя Рым, Лацыа, Італія
Грамадзянства	Італія  Каралеўства Італія
Род войскаў	Каралеўская італьянская армія[d]
Бітвы/войны	Першая сусветная вайна грамадзянская вайна ў Іспаніі Другая сусветная вайна
Узнагароды і званні	Савойскі ваенны ордэн[d]
Медыяфайлы на Вікісховішчы

Арканавальда Банакорсі (італ.: Arconovaldo Bonacorsi; 22 жніўня 1898 — 2 ліпеня 1962) — італьянскі ваенны і палітычны дзеяч. Вядомасць атрымаў як кіраўнік аперацыі па захопу вострава Мальёрка падчас грамадзянскай вайны ў Іспаніі.

Біяграфія

Нарадзіўся ў Балонні. Пасля Першай сусветнай вайны стаў фанатычным і ідэалістычным фашыстам. Меў асабістую сустрэчу з Беніта Мусаліні. У 1922 годзе ўдзельнічаў у паходзе на Рым ў якасці кіраўніка фашыстаў Балонні.

У 1928 годзе скончыў Балонскі ўніверсітэт, атрымаўшы юрыдычную адукацыю. Працаваў адвакатам. У пачатку 1930-х ажаніўся. У шлюбе нарадзілася трое дзяцей.

У 1936 годзе, у пачатку грамадзянскай вайны ў Іспаніі, Мусаліні адправіў яго на Балеарскія астравы. У жніўні Банакорсі ўзяў Мальёрку і здолеў арганізаваць сілы нацыяналістаў на востраве, паспяхова адлюстраваўшы высадку рэспубліканцаў. У ходзе далейшых падзей Банакорсі захапіў Ібіцу. З лютага 1937 года ваяваў пад Малагай у складзе «Corpo Truppe Volontari». Пазней быў накіраваны ў Італьянскую Эфіопію.

У 1940 годзе Банакорсі ўдзельнічаў у баях ў Брытанскім Самалі, дзе быў камандзірам атрада камандас з 300 чалавек. У 1941 годзе трапіў у палон.

У 1946 годзе вярнуўся на радзіму. Аднавіў юрыдычную і палітычную дзейнасць. Абараняў на судзе нямецкага генерала Ота Вагенера, які быў асуджаны на 15 гадоў турмы за зверствы на Родасе падчас Другой сусветнай вайны. Уступіў у неафашысцкі Італьянскі грамадскі рух

Памёр пасля хірургічных ускладненняў.

Літаратура

• Massot, Josep. Vida i miracles del Conde Rossi Editorial Serrador. Barcelona, 1988[1]