Арак
![](http://chped.net/https/upload.wikimedia.org/wikipedia/commons/thumb/a/a6/Bottle_of_Arak_Rayan.jpg/220px-Bottle_of_Arak_Rayan.jpg)
![](http://chped.net/https/upload.wikimedia.org/wikipedia/commons/thumb/d/d7/Glassofarak_en.jpg/220px-Glassofarak_en.jpg)
Арак (араб. عرق) — моцны (60 % аб.) алкагольны напой. Слова арак у многіх азіяцкіх народаў азначае моцныя алкагольныя напоі ўвогуле, у тым ліку гарэлку.
Арак атрымліваюць пры дыстыляцыі меласы з цукровага трыснягу або з рысавага сусла (Ява), або меласы, рысавага сусла і соку гэтак званай цукровай пальмы Arenga saccharifera (Цэйлон, Тайланд, Індыя). У розных варыянтах распаўсюджаны на Блізкім Усходзе, у Сярэдняй Азіі і інш. У Еўропу мода на арак завезеная з сучаснай Інданезіі галандцамі, якія пілі яго з фруктовымі сокамі. Смакам і спосабамі ўжытку нагадвае ром. Дадаецца ў дражджовую бабу, уваходзіць у склад кактэйляў, пуншаў і г. д. У канцы XVIII — XIX ст. быў досыць папулярным ў шляхецкім асяроддзі, дадаваўся ў гарбату і чорную каву, соусы для мяса і птушкі, лічыўся адным з 5 алкагольных напояў, якія абавязкова мусяць быць у паважным доме. «Літоўская гаспадыня» падае спосаб імітацыі араку з перагнанай жытнёвай гарэлкі, падфарбаванай карамеллю.
Літаратура[правіць | правіць зыходнік]
- Белы А. Арак // Праект «Наша ежа»
![]() |
Арак на Вікісховішчы |
---|