Іван Аляксандравіч Кірэйчык
Іван Аляксандравіч Кірэйчык | |
---|---|
Асабістыя звесткі | |
Дата нараджэння | 19 сакавіка 1935 |
Месца нараджэння | |
Дата смерці | 16 лютага 1996 (60 гадоў) |
Месца смерці | |
Пахаванне | |
Грамадзянства | |
Альма-матар | |
Месца працы | |
Прафесійная дзейнасць | |
Род дзейнасці | пісьменнік, журналіст |
Іван Аляксандравіч Кірэйчык (19 сакавіка 1935, в. Гута, Ганцавіцкі раён, Брэсцкая вобласць — 16 лютага 1996) — беларускі пісьменнік, паэт, журналіст.
Біяграфія[правіць | правіць зыходнік]
Скончыў Гуцянскую сярэднюю школу, працаваў у калгасе, служыў на Балтыйскім флоце ВМФ СССР. З 1958 года літаратурны супрацоўнік, загадчык аддзела ганцавіцкай раённай газеты «Сялянская праўда». Скончыў завочнае аддзяленне факультэта журналістыкі БДУ. З 1963 года ўласны карэспандэнт Беларускага радыё і газеты «Чырвоная змена», працаваў у газеце «Гомельская праўда», на абласной студыі тэлебачання.
Творчасць[правіць | правіць зыходнік]
Літаратурную творчасць пачаў падчас службы ў арміі. Вершы, апавяданні і нарысы І. Кірэйчыка прасякнуты публіцыстычным, грамадзянскім пафасам, шчырасцю пачуццяў, дабрынёй, трывогай за родную зямлю.
Дэбютаваў вершамі ў газеце «Страж Балтыкі», а таксама ў калектыўным зборніку «Песня, рождённая морем». Аўтар кніг паэзіі «Аснова»[1] (1977), «З маіх крыніц»[2] (1994).
Найбольш плённа і ярка ўвасобіўся яго талент у публіцыстыцы. Цікавыя зместам, жывыя па форме нарысы і апавяданні склалі кнігі «Багацце душы — людзям», «Пялёсткавы бераг», «Каласам хіліцца долу», «Калінавая квецень». Многія празаічныя творы І. Кірэйчыка змяшчаліся ў калектыўных зборніках «Вернутае шчасце», «Люблю будзённы дзень». У літаратурным запісе І. Кірэйчыка выйшлі кнігі партызанаў Р. Лазабеева «Лясныя пабрацімы» і М. Качана «Апалены ранак».
Памяць[правіць | правіць зыходнік]
У сакавіку 2010 года ў вёсцы Гута на месцы, дзе знаходзіўся дом, у якім жыў Іван Аляксандравіч Кірэйчык усталяваны памятны знак.
На сайце ўстановы культуры «Ганцавіцкі раённы краязнаўчы музей» прадстаўлена фотавыстаўка «Іван Кірэйчык — паэт, пісьменнік, журналіст»[3].
Зноскі
Літаратура[правіць | правіць зыходнік]
- Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
- Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1995. — Т. 6. Таталаў — Яфімаў. Дадатак. — С. 622. — 684 с.; іл.. — ISBN 985-11-0022-6.
Спасылкі[правіць | правіць зыходнік]
- Да 85-годдзя з дня нараджэння Івана Аляксандравіча Кірэйчыка Архівавана 10 мая 2023. // Навукова-метадычная ўстанова «Нацыянальны інстытут адукацыі» Міністэрства адукацыі Рэспублікі Беларусь
- Кірэйчык Іван Аляксандравіч // Ганцавіцкі краязнаўча-інформацыйны партал
- Нарадзіліся 19 сакавіка
- Нарадзіліся ў 1935 годзе
- Нарадзіліся ў Лунінецкім павеце
- Памерлі 16 лютага
- Памерлі ў 1996 годзе
- Памерлі ў Гомелі
- Пахаваныя ў Гомелі
- Выпускнікі Інстытута журналістыкі БДУ
- Супрацоўнікі газеты «Чырвоная змена»
- Асобы
- Пісьменнікі паводле алфавіта
- Нарадзіліся ў Ганцавіцкім раёне
- Пісьменнікі СССР
- Пісьменнікі Беларусі
- Паэты СССР
- Паэты Беларусі
- Журналісты СССР
- Журналісты Беларусі